Aguero pranë vdekjes, Manchester City reagon pas aksidentit

Manchester City ka konfirmuar aksidentin e Sergio Agueros në Holandë.

Sulmuesi argjentinas, rrezikoi të humbte jetën në Holandë, por ka shpëtuar me vetëm disa plagë të lehta dhe brinjë të thyer, shkruan tabloidi britanik “The SUN”.

 “Sergio Aguero do të vlerësohet nga mjekët e klubit sot pasi ditën e enjte u përfshi në një aksident rrugor në Holandë. Mëngjesin e sotëm ai do të kthehet në Manchester dhe do t’i nënshtrohet kontrolleve mjekësore. Në vijim do t’ju sjellim lajme të tjera rreth kësaj ngjarje”, thuhet në komunikatën zyrtare të klubit britanik.

Ishin “Airbagët” që i shpëtuan jetën Agueros që tashmë pritet të mungojë disa muaj.